मोटरसाइकलको ठक्करबाट आठ वर्षीय बालकको मृत्यु

प्रहर खबर
६ मंसिर २०७७, शनिबार २०:२१

दमौली – मोटरसाइकलले ठक्कर दिदाँ आठ वर्षीय बालकको मृत्यु भएको छ । तनहुँ भानु नगरपालिका–५ पञ्चनगरको डुम्रे चन्द्रावती भित्री सडकखण्डमा चन्द्रावतीबाट डुम्रेतर्फ आउँदै गरेको बा७०प ६९०१ नंको मोटरसाइकलको ठक्करबाट आठ वर्षीय बालकको मृत्यु भएको हो ।

मृत्यु हुनेमा राजु सिङ्खडाका छोरा आइज्याक रहेको जिल्ला प्रहरी कार्यालय तनहुँले जनाएको छ । बालकको पुरानो मेडिकल कलेज भरतपुरमा मृत्यु भएको हो । बालकको टाउकामा चोट लागेको थियो । ठक्कर दिने मोटरसाइकल प्रहरी नियन्त्रणमा छ ।