सन्दीप आईसीसी ‘प्लेअर अफ द मन्थ’को मनोनयनमा

प्रहर संवाददाता
प्रहर संवाददाता
२० आश्विन २०७८, बुधबार १७:५०

काठमाडौं – नेपाली राष्ट्रिय क्रिकेट टोलीका लेग स्पिनर सन्दीप लामिछाने सेप्टेम्बर महिनाको लागि आईसीसी प्लेयर अफ द मन्थको मनोनयनमा परेका छन् ।

आईसीसीले बुधबार मतदानका लागि सार्वजनिक गरेको मनोनयनमा लामिछानेसंगै बंगलादेशका नासुम अहमद र अमेरिकाका जशकरण मलहोत्रा पनि रहेका छन् ।

प्लेयर अफ द मन्थका लागि बुधबारदेखि नै भोटिङ सुरु भएको छ । सन्दीपले आईसीसी डिभिजन–२ अन्तर्गत ओमानमा भएको त्रिदेशीय श्रृंखलामा उत्कृष्ट प्रदर्शन गरेका थिए । सिरिज अन्तर्गत सन्दीपले ४ खेल खेलेका थिए ।

त्यस्तै, सिरिजअघि भएको पपुवा न्युगिनी (पीएनजी)विरुद्ध २ खेल खेलेका थिए । सन्दीपले ओमानमा ६ खेल खेल्दै १८ विकेट लिएका थिए । उनको इकोनोमी ७ दशमलव ३८ रहेको थियो ।