हेटौंडा - मकवानपुरको राक्सिराङ गाउँपालिका वडा नम्बर–२ देउरालीमा गाउँपालिकामा भिरबाट लडेर एक जनाको मृत्यु भएको छ । मृत्यु हुनेमा सोही वडाको चनौटा बस्ने अन्दाजी ५० वर्षीय माईला थिङ रहेका छन् ।
जिल्ला प्रहरी कार्यालय शनिबार साँझ बिहेमा गएर घर फर्किने समयमा थिङ भिरबाट लडेका थिए । भिरबाट करिब १५० मिटर तल खसेका उनको घटनास्थलमै मृत्यु भएको प्रहरीले जनाएको छ ।
साे क्षेत्रमा गोरेटो बाटो भएकाले भिरबाट लडेर मृत्यु हुने गरेको घटना यो पहिलो भने होइन । यसअघि पनि धेरै यस्ता घटना हुँदै आएको छ ।
घटनाको जानकारी प्राप्त हुनासाथ अनुसन्धान तथा मुचुल्काको लागि प्रहरीको टोली घटनास्थलमा पुगेको जिल्ला प्रहरी कार्यालय मकवानपुरले जनाएको छ ।
