हेटौंडा – अन्जन विष्टको निर्णायक गोलमा पाकिस्तानविरुद्ध मैत्रीपूर्ण खेलमा नेपाल विजयी भएको छ ।
त्रिपुरेश्वरस्थित दशरथ रंगशालामा भएको खेलमा विष्टको गोलमा नेपालले पाकिस्तानलाई १–० गोल अन्तरले पराजित गरेको हो ।
पहिलो हाफ गोलरहित बराबरीमा सकिएको थियो । विष्टले खेलको ८२ औं मिनेटमा गोल गर्दै नेपाललाई १–० को जित दिलाएका हुन् ।
यससंगै विष्टको अन्तराष्ट्रिय गोल सङ्ख्या ११ पुगेको छ । अन्जन सर्वाधिक गोलकर्ता हरि खड्का र निराजन राइमाझी भन्दा दुई गोलले पछि रहेका छन् ।