हेटौंडाकी बरिसाको 'भिडियो' को चर्चा बलिउडदेखि हलिउडसम्म

२०७९ कार्तिक १२, शनिबार ०४:४४ बजे

हेटौंडा – हेटौंडाको रसल एकेडेमीमा अध्ययनरत बालिका बरिसा क्षेत्रीको ‘सामी सामी’ गीतमा नाचेको भिडियो चर्चा बलिउडदेखि हलिउडसम्म भएको छ ।

अमेरिकी चर्चित र्‍यापर स्नुप डगले बरिसाको भाइरल भिडियो सेयर गरेका छन् । दक्षिण भारतीय फिल्म पुष्पाको ‘सामी सामी’मा नृत्य र्‍यापर स्नुप डगले क्षेत्रीको भिडियो इन्स्टाग्राममा सेयर गरेका हुन् ।

र्‍यापर स्नुप डगले थापाको भिडियो सेयर गरेपछि उनको चर्चा अब हलिउडसम्म चुलिएको छ । उक्त गतिमा डान्स गर्ने बरिसा हेटौँडा उपमहानगरपालिका वडा नं.९ की हुन् । उनी घर नजिकैको सिमेन्ट रोडस्थित रसल एकेडेमीमा युकेजीमा अध्ययनरत छिन् ।

बरिसा नाचेको भिडियो सोही विद्यालयको एकजना शिक्षिकाले टिकटकमा सेयर गरेपछि उनको चर्चा चुलिएको थियो ।उक्त भिडियो फिल्म पुष्पाकीअभिनेत्री रश्मिका मन्दानाले आफ्नो ट्वीटरमार्फत बालिका बरिसा क्षेत्रीसंग भेट्ने इच्छा ब्यक्त गरेकी थिइन् ।

भिडियो हेरेपछिभारतीय कोरियोग्राफर रेमो डीसूजाले बरिसाको डान्सको प्रशसां भेट्ने चाहेको बताएका थिए ।उनीहरुबिच सामाजिक सञ्जालमार्फत कुराकानी समेत भएको थियो । सो कुराकानीको क्रममा डीसूजाले बालिकालाई भारतीय टिभी रियालिटी शो डान्स इन्डिया डान्समा भाग लिन निम्तो दिएका छन् ।