हेटौंडामा स्कुटरको ठक्करबाट एक बालक घाइते, चालकको अवस्था गम्भीर

हेटौंडा – मकवानपुरको हेटौंडा उपमहानगरपालिका–३ बसामाडीमा स्कुटरले पैदलयात्रीलाई ठक्कर दिएको छ । पुर्वपश्चिम सडकखण्डमा चितवनबाट हेटौंडातर्फ आउँदै गरेको प्रदेश ३–०३–००१ प नम्बरको स्कुटरले पैदलयात्रीलाई ठक्कर दिएको हो ।

स्कुटरको ठक्करबाट मकवानपुर राक्सिराङ १ बस्ने १४ वर्षीय सन्त सिं प्रजा घाइते भएको जिल्ला प्रहरी कार्यालय मकवानपुरले जनाएको छ । प्रहरीका अनुसार बाटो काट्ने क्रममा ठक्कर दिँदा टाउको र शरिरको बिभिन्न भागमा चोट लागेको छ ।

घाइते प्रजाको हेटौंडा अस्पतालमा उपचार भईरहेको प्रहरीले जनाएको छ । स्कुटर चालक ३९ वर्षीय बिनु थापा मगर गम्भीर घाइते भएकी छन् । दुबै हात र मुखमा चोट लागेको मगरलाई उपचारको लागि चितवन भरतपुर अस्पताल लगिएको प्रहरीले जनाएको छ ।