हेटौंडा – मकवानपुरको मनहरी गाउँपालिकामा जंगली हात्तीको आक्रमणबाट घाइते भएकी एक वृद्धाको मृत्यु भएको छ ।
मनहरी गाउँपालिका–४ मसिने बस्ने ६४ वर्षीया राधा अधिकारीको चितवनस्थित नयाँ मेडिकल कलेजमा उपचारको क्रममा मृत्यु भएको जिल्ला प्रहरी कार्यालय मकवानपुरले जनाएको छ ।
पर्सा राष्ट्रिय निकुञ्जबाट आएको हात्तीले सोमबार बिहान करेसाबारीमा काम गरिरहेकी अधिकारीलाई आक्रमण गरी घाइते बनाएको थियो । उनलाई तत्काल उद्धार गरी हेटौंडास्थित चुरेहिल अस्पतालमा उपचार लागि ल्याइएको थियो ।
त्यहाँ उपचार संम्भव नभएपछि थप उपचारको लागि आजै दिउँसो चितवन रिफर गरिएको थियो । उनको उपचारको क्रममा साँझ मृत्यु भएको प्रहरीले जनाएको छ ।
यो पनि पढ्नुहोस्
मकवानपुरमा बाघ आतंक: गाउँ गाउँ चार्दै, पशुचौपाया मार्दै
